Contoh Pidato Bahasa Sasak Halus

JAGAK KESEHATAN DIRIK LANGAN MENSARE SAK KENAK

بِسْمِ اللهِ الرَّحْمَنِ الرَّحِيْمِ, الحَمْدُ لِلَّهِ رب العلمين نَحْمَدُهُ وَ نَسْتَعِيْنُهُ وَنَسْتَغْفِرُهُ وَنَعُوْذُ بِاللَّهِ مِنْ شُرُوْرِ اَنْفُسِنَا وَمِنْ شَيِّئَاتِ اَعْمَالِنَا, مَنْ يَهْدِ اللَّهِ فَلاَمُضِلَّ لَهُ, وَمِنْ يُضْلِلْ فَلاَ هَا دِيَ لَهُ, أَشْهَدُ أَنْ لاَإِلَهَ إِلاَّاللَّهُ  وَحْدَهُ لاَشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ صَلَى اللَّهُ عَلَيْهِ وَسَلَّمَ. وَعَلَى أَلِهِ وَصَحْبِهِ أَجْمَعِيْنَ.

Sak tiang hormati Ummi Hj. Nurul Palah Idris

Sak tiang hormati endah Ustaz daet ustazah tiang lek Pondok Pesantren Sa’adatuddarain

Sak tiang kangen semeton-semeton tiang santriwati Pondok Pesantren Sa’adatuddarain

Alhamdulillahi robbil ‘alamin

Jari panjat allah ta’ale lek bumi niki sanget te anjuran tiang pelungguh sami yak terus menerus panjatan syukur alhamdulillah atas selapuk nikmat sak Allah kicanan jok tiang pelungguh sami, sengak berkat nikmat sehat daet luang waktu niki tiang pelungguh sami rauh lek acare sak berkah niki.

Shalawat daet salam nenten te lupak jok deside nabi Muhammad SAW, sengak berkat kegigihan beliau tiang pelungguh sami mauk nikmati sak aran iman islam daet ihsan niki, sak pesugul umat manusie elek dunie jahiliyyah jok dunie sak teridhoi sik deside Allah swt.

Mangkin niki tiang cobak sampean sopok pidato sak tiang beng judul “Jagak kesehatan dirik langan mensare sak kenak”.

Lamun te pade kaji solah-solah sejarah rasulullah SAW, beliau termasuk manusie paling sehat lek sepanjang irup perjalanan manusie. Semasen irup rasulullah tecatet due kali rasulullah sungkan. Niki salak sopok bukti rasulullah sanget sin perhatian masalah kesehatan. Napi sak paling penting sin jagak kesehatan sik deside nabi? Ndek lain jawaban, taon jagak pole irupn sik rasululloh SAW.

Lek pidato niki, tiang yak bahas sopok care rasulullah jagak kesehatan langan mensare sak kenak. Berembe caren rasulullah mensare sak kenak nike?. Lamun te serminan caren tiang pelungguh sami mensare insya allah jaok lek tuntunan deside Nabi Muhammad SAW. Sak paling takjub lek caren rasulullah mensare niki adalah para ahli kedokteran se wahn ngara’an penelitian. Se wahn tekaji dalem-dalem, ternyate caren mensare rasulullah adalah sesolah-solah care manusie mensare. Rasululloh mensare miring jok kanan, bebalik jok kiri semendak muk akhirn bebalik jok kanan sampai deside nabi mentangi. Jari, mulai mensare miring jok kanan daet akhirn malikn bebalik jok kanan. Niki maksudn aden segale sak sampun tiang pelungguh keloran baun te cerne solah lek dalem lambung tiang pelungguh.

Arak telu manfaat tiang pelungguh sami mensare miring jok kanan.

Sak pertame    : aden sak lancar jalan nafas. Mensare miring jok kanan jauk elak niki menyamping nenten jok muri jari jalan nafas niki lancar. Lamun nenten lancar nafas niki ye penyebab tiang pelungguh kerok. Dengan sak kerok mensare bukti kurang oksigen tame jok dalem awak atau ragen te, separo ye isik tiang pelungguh sami tinjot muk mentangi.

Sak kedue       : jantung tiang pelungguh tetep sehat. Lamun te kaji jantung tiang pelungguh arak lek sebelah kiri. Lamun tiang pelungguh mensare andang kiri otomatis jantung pelungguh sami tetendet sik organ lain lek rage tiang pelungguh. Niki penyebab darak tiang nenten lancar.

Sak ketelu       : kesehatan paru-paru. Lamun tiang pelungguh sami mensare miring kiri, serte merte paru-paru sak kiri tetendet sik paru-paru sak kanan. Perlu tiang pelungguh sami wikan paru-paru sak kiri kode’an tebanding sak kanan. Jari asupan darak jok paru-paru kiri niki nenten sebanding daet porsi kebele’n paru-paru kiri.

Masya allah se wahn te kaji dalem-dalem ternyate rasulullah sampun kalahan para ahli kedokteran lek jaman laek bahkan jaman sak mangkin niki. Lamun menike nenten arak sak patut te jarian tauladan lek irup tiang pelungguhm sami selain rasulullah SAW.

Jari penutup pidato niki, tiang bepesen jok dirik tiang pelungguh sami, segale care, tindak laku, berembe ntan te bergaul, bebaos jok dengan sak kode’an dengan sak bele’an sampun teatur sik rasulullah SAW, lamun menike silak te pade seneng bace hadits. Te pelajari daet amalan hadits rasulullah SAW.

Sekedar niki sak tiang bau sampean jok pelungguh sami. Lamun arak uni kane sak salak semate mate dateng elek tiang mesak, laguk lamun arak uni kane sak solah mudah-mudahan nike petunjuk elek deside Allah SWT aden sak te laksanean.

وَأَخِيْرًا اَقُوْلُ لَكُمْ اُوْصِيْكُمْ وَنَفْسِىْ بِتَقْوَى اللهِ. السَّلاَمُ عَلَيْكُمْ وَرَحْمَةُ اللهِ وَبَرَكاَتُهُ.

BEREMBE CAREN RASULULLAH SAW MEDARAN

بِسْمِ اللهِ الرَّحْمَنِ الرَّحِيْمِ, الحَمْدُ لِلَّهِ رب العلمين نَحْمَدُهُ وَ نَسْتَعِيْنُهُ وَنَسْتَغْفِرُهُ وَنَعُوْذُ بِاللَّهِ مِنْ شُرُوْرِ اَنْفُسِنَا وَمِنْ شَيِّئَاتِ اَعْمَالِنَا, مَنْ يَهْدِ اللَّهِ فَلاَمُضِلَّ لَهُ, وَمِنْ يُضْلِلْ فَلاَ هَا دِيَ لَهُ, أَشْهَدُ أَنْ لاَإِلَهَ إِلاَّاللَّهُ  وَحْدَهُ لاَشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ صَلَى اللَّهُ عَلَيْهِ وَسَلَّمَ. وَعَلَى أَلِهِ وَصَحْبِهِ أَجْمَعِيْنَ.

Sak tiang hormati Ummi Hj. Nurul Palah Idris

Sak tiang hormati endah Ustaz daet ustazah tiang lek Pondok Pesantren Sa’adatuddarain

Sak tiang kangen semeton-semeton tiang santriwati Pondok Pesantren Sa’adatuddarain

Alhamdulillahi robbil ‘alamin

Jari panjat allah ta’ale lek bumi niki sanget te anjuran tiang pelungguh sami yak terus menerus panjatan syukur alhamdulillah atas selapuk nikmat sak Allah kicanan jok tiang pelungguh sami, sengak berkat nikmat sehat daet luang waktu niki tiang pelungguh sami rauh lek acare sak berkah niki.

Shalawat daet salam nenten te lupak jok deside nabi Muhammad SAW, sengak berkat kegigihan beliau tiang pelungguh sami mauk nikmati sak aran iman islam daet ihsan niki, sak pesugul umat manusie elek dunie jahiliyyah jok dunie sak teridhoi sik deside Allah swt.

Tiang sampean tampi asih jok pembawe acare sak beng tiang kesempatan pidato elek hadapan pelungguh sami. Mangkin niki tiang cobak sampean sopok pidato sak tiang beng judul “BEREMBE CAREN RASULULLAH SAW MEDARAN”.

Se ndekman tiang sampean panjang lebar masalah nike tiang bacean manik deside Allah SWT lek sopok ayat al-Qur’an surat al-A’raaf :

* ûÓÍ_t6»tƒ tPyŠ#uä (#rä‹è{ ö/ä3tGt^ƒÎ— y‰ZÏã Èe@ä. 7‰Éfó¡tB (#qè=à2ur (#qç/uŽõ°$#ur Ÿwur (#þqèùÎŽô£è@ 4 ¼çm¯RÎ) Ÿw =Ïtä† tûüÏùÎŽô£ßJø9$# ÇÌÊÈ  

Hai bani adam kadu perhiasan sak bagus lamunm tame masjid daet mangan ngenem laguk dendek berlebihan, sengak Allah nden demen lek dengan sak berlebihan.

Lek ayat sak sampun tiang bace baruk nike, rasululloh terapan manik Allah ta’ale lek perilaku beliau.

Sak pertame : berembe care rosululloh tentuan porsi medaran

Dalem sopok hadits sak teriwayatan sik Ibnu Abbas, sak artin :

“Medaran se uwahm lapah, daet sampunan se nde’manm besuh, isi’ tian pelungguh sami isik 1/3 kakenan, 1/3 aik daet 1/3 udare. Dengan sak paling tedemen sik Allah sak kedik medaran muk sak mesang awakn”

Mulen jati rasulullah, dengan sak ndek tao pelek makanan, dengan sak berlebihan medaran nike bau memicu penyakit dateng. Antare penyakit sak dateng marak : diabetes, darah tinggi, neoplasma, hipertensi daet penyakit lain sak berbahaye lek rage tiang pelungguh sami.

Sak kedue : pelek kakenan sak bermanfaat

Manik allah ta’ale dalam al-Qur’an surat al-Baqarah ayat 172 :

$yg•ƒr'¯»tƒ šúïÏ%©!$# (#qãZtB#uä (#qè=à2 `ÏB ÏM»t6ÍhŠsÛ $tB öNä3»oYø%y—u‘ (#rãä3ô©$#ur ¬! bÎ) óOçFZà2 çn$­ƒÎ) šcr߉ç7÷ès? ÇÊÐËÈ  

Makne ayat niki :

Hai dengan sak beriman, silak tepade daran rezeki sak solah sak Allah beng jok side pade, muk besyukur lamunm betul-betul menyembah allah ta’ale.

Sak ketelu : pelek kakenan sak halal

Manik allah ta’ale dalam al-Qur’an surat an-Nahl ayat 114 :

(#qè=ä3sù $£JÏB ãNà6s%y—u‘ ª!$# Wx»n=ym $Y7Íh‹sÛ (#rãà6ô©$#ur |MyJ÷èÏR «!$# bÎ) óOçFZä. çn$­ƒÎ) tbr߉ç7÷ès? ÇÊÊÍÈ  

Makne ayat niki :

Silak te pade daran napi sak tekican sik allah ta’ale berupe rezeki sak halal muk solah, muk besyukur atas segale nikmat allah ta’ale lamunm tetu-tetu menyembah allah ta’ale.

Lek tuntunan rasulullah niki sangat te anjuran aden sak tiang pelungguh sami selektif  pelek kakenan. Aden sak rage tiang pelungguh tetap sehat wal afiat.

Sekedar niki sak tiang bau sampean jok pelungguh sami. Lamun arak uni kane sak salak semate mate dateng elek tiang mesak, laguk lamun arak uni kane sak solah mudah-mudahan nike petunjuk elek deside Allah SWT aden sak te laksanean.

وَأَخِيْرًا اَقُوْلُ لَكُمْ اُوْصِيْكُمْ وَنَفْسِىْ بِتَقْوَى اللهِ. السَّلاَمُ عَلَيْكُمْ وَرَحْمَةُ اللهِ وَبَرَكاَتُهُ.

SILAK TE PINAK BERSIH JARI KEBUTUHAN

بِسْمِ اللهِ الرَّحْمَنِ الرَّحِيْمِ, الحَمْدُ لِلَّهِ رب العلمين نَحْمَدُهُ وَ نَسْتَعِيْنُهُ وَنَسْتَغْفِرُهُ وَنَعُوْذُ بِاللَّهِ مِنْ شُرُوْرِ اَنْفُسِنَا وَمِنْ شَيِّئَاتِ اَعْمَالِنَا, مَنْ يَهْدِ اللَّهِ فَلاَمُضِلَّ لَهُ, وَمِنْ يُضْلِلْ فَلاَ هَا دِيَ لَهُ, أَشْهَدُ أَنْ لاَإِلَهَ إِلاَّاللَّهُ  وَحْدَهُ لاَشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ صَلَى اللَّهُ عَلَيْهِ وَسَلَّمَ. وَعَلَى أَلِهِ وَصَحْبِهِ أَجْمَعِيْنَ.

Sak tiang hormati Ummi Hj. Nurul Palah Idris

Sak tiang hormati endah Ustaz daet ustazah tiang lek Pondok Pesantren Sa’adatuddarain

Sak tiang kangen semeton-semeton tiang santriwati Pondok Pesantren Sa’adatuddarain

Alhamdulillahi robbil ‘alamin

Jari panjat allah ta’ale lek bumi niki sanget te anjuran tiang pelungguh sami yak terus menerus panjatan syukur alhamdulillah atas selapuk nikmat sak Allah kicanan jok tiang pelungguh sami, sengak berkat nikmat sehat daet luang waktu niki tiang pelungguh sami rauh lek acare sak berkah niki.

Shalawat daet salam nenten te lupak jok deside nabi Muhammad SAW, sengak berkat kegigihan beliau tiang pelungguh sami mauk nikmati sak aran iman islam daet ihsan niki, sak pesugul umat manusie elek dunie jahiliyyah jok dunie sak teridhoi sik deside Allah swt.

Lek ate sak paling dalem tiang sampean tampi asih jok pembawe acare sak beng tiang kesempatan pidato elek hadapan pelungguh sami. Nenten tiang lupa’ tiang ucapan ampure sinampure lamun arak pembaosan tiang sak bareh kurang berkenan lek ate tiang pelungguh sami. Lek acare muhadoroh niki tiang cobak sampean sopok pidato sak tiang beng judul “SILAK TE PINAK BERSIH JARI KEBUTUHAN”.

Sampun tiang pelungguh wikan hadits rasulullah sak nyatean penting gati sak aran kebersihan nike, laguk selame niki hadits nike sebates jari tebace daet tehafal doang tanpe te laksanean. النظافة من الإيمان kebersihan nike sebagian langan iman manik deside nabi. Lamun tekaji tetu-tetu hadits niki sang ndek te semel nyatean diri’ te jari ummat deside Rasulullah SAW sengak hadits sak kontek niki doang nenten man tiang pelungguh sami laksanean.

Kebersihan niki pelajaran pertame sak haarus tepelajari lek ilmu fiqh, dalem bab thaharah. Kembekn bab thaharah tepejuluk, sengak dengan sak beribadah jok allah ta’ale nenten teterimak ibadah kecuali dengan sak bersih.

Laguk sebagian besar masalah kebersihan niki masih tiang pelungguh anggep sebagai sopok teori. Lamun dengan pinter bebaos “lek Indonesie taon te pelajari hadits, laguk lek jerman taon telaksanean hadits nike”. Maksud pembaosan niki tiang baet conto, lek Indonesia niki taok tiang pelungguh sami pelajari masalah kebersihan laguk lek luar negeri taok pelaksanean kebersihan niki, bahkan dengan sak duah islam sak nenten wah pelajari hadits tao bersih daet anggep bersih nike sebagai kebutuhan.

Sopok baos dengan baret “No time without clean” nden arak waktu tanpe irup bersih. Ternyate lamun tiang pelungguh sadar penting gati sak aran bersih niki sang nenten arak sak keteh dedoro sembarangan, sak ndek mandik, sak ndek popok pakean daet conto-conto lain.

Bukti jok tiang pelungguh penting gati kebersihan nike sampun serminan lek keseharian tiang pelungguh. Penok batur-batur tiang sak sakit, te jauk jok puskesmas daet rumah sakit. Kembekn arak kejadian niki ? sengak ndekman te tao jagak sak aran kebersihan, ndekt man tao pinak kebersihan niki jari kebutuhan.

Silak lamun tiang pelungguh serminan, got-got lek samping maupun lek muri asrame, sampunan tiang paran korek laguk sampun berue bereng leceng. Jentik-jentik berangkak ye taon demen nganak betelok. Pembalut tiang pelungguh teketeh sembarangan, nyapu kamar abot, piring sak kadun tiang pelungguh medaran males tiang pelungguh besok niki endah penyebab penok batur-batur niki sakit.

Lamun menike silak te bareng-bareng jagak sak arak kebersihan niki. Baik sak menyangkut kebersihan rage tiang pelungguh, maupun lingkungan sekitar taok tiang pelungguh irup. Berembe ntan te jagak rage tiang pelungguh ? marak misal rajin mandik kelemak daet kebian, rajin peleng kungku’, rajin bersihan irung kentok, rajin sikat gigi, rajin te popok pakean. Sak kedue berembe ntan tiang jagak lingkungan ? silak sampunan keteh dedoro sembarangan, nyapu lek kamar daet leleah, bersihan got, jagak kebersihan jeding daet WC, sampunan te harepan dengan yak bersihan taok tiang pelungguh mensare, kelambi selane sak nenten tekadu aden sak tekolok lek spook taok, sampunan gantung lek sembarangan.

Mudah-mudahan napi sak mutt harepan aden tiang pelungguh tetap sehat niki yak tercapai. Insya allah lamun tiang pelungguh gawek sak aran bersioh niki penyakit yan telang muk sulit dateng.

Sekedar niki sak tiang bau sampean jok pelungguh sami. Lamun arak uni kane sak salak semate mate dateng elek tiang mesak, laguk lamun arak uni kane sak solah mudah-mudahan nike petunjuk elek deside Allah SWT aden sak te laksanean jari pedoman irup.

وَأَخِيْرًا اَقُوْلُ لَكُمْ اُوْصِيْكُمْ وَنَفْسِىْ بِتَقْوَى اللهِ. السَّلاَمُ عَلَيْكُمْ وَرَحْمَةُ اللهِ وَبَرَكاَتُهُ.

BEREMBE NTAN TIANG PELUNGGUH JARI DENGAN ISLAM SAK KREATIF

بِسْمِ اللهِ الرَّحْمَنِ الرَّحِيْمِ, الحَمْدُ لِلَّهِ رب العلمين نَحْمَدُهُ وَ نَسْتَعِيْنُهُ وَنَسْتَغْفِرُهُ وَنَعُوْذُ بِاللَّهِ مِنْ شُرُوْرِ اَنْفُسِنَا وَمِنْ شَيِّئَاتِ اَعْمَالِنَا, مَنْ يَهْدِ اللَّهِ فَلاَمُضِلَّ لَهُ, وَمِنْ يُضْلِلْ فَلاَ هَا دِيَ لَهُ, أَشْهَدُ أَنْ لاَإِلَهَ إِلاَّاللَّهُ  وَحْدَهُ لاَشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ, اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ صَلَى اللَّهُ عَلَيْهِ وَسَلَّمَ. وَعَلَى أَلِهِ وَصَحْبِهِ أَجْمَعِيْنَ.

Sak tiang hormati Ummi Hj. Nurul Palah Idris

Sak tiang hormati endah Ustaz daet ustazah tiang lek Pondok Pesantren Sa’adatuddarain

Sak tiang kangen semeton-semeton tiang santriwati Pondok Pesantren Sa’adatuddarain

Alhamdulillahi robbil ‘alamin

Jari panjat allah ta’ale lek bumi niki sanget te anjuran tiang pelungguh sami yak terus menerus panjatan syukur alhamdulillah atas selapuk nikmat sak Allah kicanan jok tiang pelungguh sami, sengak berkat nikmat sehat daet luang waktu niki tiang pelungguh sami rauh lek acare sak berkah niki.

Shalawat daet salam nenten te lupak jok deside nabi Muhammad SAW, sengak berkat kegigihan beliau tiang pelungguh sami mauk nikmati sak aran iman islam daet ihsan niki, sak pesugul umat manusie elek dunie jahiliyyah jok dunie sak teridhoi sik deside Allah swt.

Lek ate sak paling dalem tiang sampean tampi asih jok pembawe acare sak beng tiang kesempatan pidato elek hadapan pelungguh sami. Tiang endah sampean tampi asih jok selapuk ustaz ustazah sak sabar bimbing tiang tuntut ilmu agame lek Pondok Pesantren Sa’adatuddarain niki. Nenten tiang lupa’ endah tiang ucapan ampure sinampure lamun arak pembaosan tiang bareh sak kurang berkenan lek ate tiang pelungguh sami. Lek acare muhadoroh niki tiang cobak sampean sopok pidato sak tiang beng judul “BEREMBE NTAN TIANG PELUNGGUH JARI DENGAN ISLAM SAK KREATIF”.

Alhamdulillah tiang pelungguh sami lahir jari dengan islam, lahir elek dengan-dengan sak beriman jok Allah ta’ale, ye sak patut tiang pelungguh syukuri. Terus mangkin pelungguh sami bergaul irup kance dengan sak nyatean diri’ beriman jok Allah ta’ale benabi lek deside Muhammad SAW, niki berkah sak luar biase.

Laguk sampunan puas lek napi sak mut idap mangkin. Sak arak iman niki sampun berombok sampun bekurang. Jari, sebagai manusie sak beriman daet berakal berembe ntan tiang pelungguh sami jagak sak aran keimanan tiang pelungguh aden sak nenten bekurang. Salak spook ntan tiang jagak, sembahyang, bedo’e daet amalan napi sak maukt lek pengajian.

Lamun tiang pelungguh pelajari manik Allah ta’ale, manusie niki sampun tepinak sesempurne mahluk. Bedoe akal pikiran, bedoe awak sak solah, bedoe intuisi marak pembaos pakar psikologi, niki jari modal tiang pelungguh terus tingkatan keimanan jok deside Allah swt. Dengan sak irupn teisik sik pegawean sak solah ye bagian care jagak keimanan. Dengan sak jagak keimanan niki baunte sebut sebagai dengan sak kreatif. Kembekn tiang bebaos marak nike ? sengak dengan ite befikir untuk kemajuan, gawek pegawean sak bermanfaat merupakan bagian sak paling mahel dalem rombok keimanan.

Dengan kreatif bede daet dengan sak males. Dengan sak besemanget bede daet dengan sak tetep nyebeng, mengkerut daet abot gawek napi-napi. Dengan sak befikir kreatif sebagian lek ciri muslim sak jati. Berembe ntan tiang pelungguh munculan sikap kreatif niki?

Pertame : pasang niat, napi sakt gawek jari amal ibadah. Dengan sak befikir menike yan temudahan lek segale sak sulit.

Kedue : befikir positif, napi yat gawek aden sak bermanfaat jok tiang pelungguh mesak daet dengan lain.

Ketelu : gawek pegawean sak inovatif, maksudn terust yak befikir napi sak yat gawek aden sak lebih solah lek sak wah arak.

Keempat : sampunan tiang pelungguh merase tao muk sombong se wah tiang pelungguh selesaian pegawean nike.

Lamun keempat syarat sak baruk bau tiang pelungguh laksanenan silak te pade bareng-bareng gawek, pade pikiran napi kreasi tiang pelungguh.

Dengan kreatif lek hadapan Allah niki sanget teistimewean, kretif pinak barang-barang atau suasane aden sak solah, marak manik deside nabi إن الله جميل يحب الجمال Allah nike solah muk demen lek barang solah.

Tiang harepan setelah acare niki, pade rembuk berembe ntan adent sak terus maju muhadoroh niki, lebih bagus daet lebih kreatif. Lamun acare sampun tetata solah, ummi seneng, ustaz ustazah seneng, selapuk santri tehibur.

Sekedar niki sak tiang bau sampean jok pelungguh sami. Lamun arak uni kane sak salak semate mate dateng elek tiang mesak, laguk lamun arak uni kane sak solah mudah-mudahan nike petunjuk elek deside Allah SWT aden sak te laksanean jari pedoman irup.

وَأَخِيْرًا اَقُوْلُ لَكُمْ اُوْصِيْكُمْ وَنَفْسِىْ بِتَقْوَى اللهِ. السَّلاَمُ عَلَيْكُمْ وَرَحْمَةُ اللهِ وَبَرَكاَتُهُ.